Bible mu asɛm a ɔbɔboa wo:

• Ɔsɛ 12:​1-8—Ɔhen Solomon kaa awensɛm bi a ɔfa ɔhaw ahorow a hɔn a hɔn mfe akɔ enyim hyia no ho asɛm. Bi nye dɛ wonnhu adze papa (“mbabaa a wɔhwɛ ntokura mu no enyi do ayɛ hɔn kusuww”) na wɔnntse asɛm so papa (“mbabaa ndwontofo nyina ndze brɛ adze”)

Bible mu nsɛm a ɔbɔboa wo:

• 1Sa 12:​2, 23—Nna nkɔnhyɛnyi Samuel a ne mfe akɔ enyim no nyim siantsir a no ho hia dɛ ɔkɔ do bɔ mpaa ma Jehovah no nkorɔfo

• 2Sa 19:​31-39—Nna Ɔhen David pɛ dɛ ɔyɛ biribi dze kyerɛ dɛ n’enyi sɔ dza Barzillai yɛe maa no no. Naaso Barzillai fii ahobrɛadze mu gyee too mu dɛ ne mfe akɔ enyim na onnyi ahoɔdzen a ɔdze bɔsom David

•  Nd 71:​9, 18—Nna Ɔhen David suro dɛ noho remmba mfaso biara wɔ ne nkɔkoraber mu. Ntsi ɔserɛɛ Jehovah dɛ mma ɔnntoo no nnkyen, mbom ɔmma no ahoɔdzen mbrɛ ɔbɛyɛ a obotum aka no ho asɛm akyerɛ awo ntoatoado

• Lu 2:​36-38—Nkɔnhyɛnyibaa Anna a nna ne mfe akɔ enyim no dze ahokeka nye nokwardzi soom Jehovah. Osian iyi ntsi Jehovah hyiraa

Bible mu nsɛm a ɔbɔboa wo:

• Ge 12:​1-4—Aber a Abraham dzii mfe 75 no, Jehovah maa no dwumadzi bi a nna ɔbɛma oefi no kurow mu

• Da 10:​11, 19; 12:13—Aber a nna Daniel edzi mfe 90 no, ɔbɔfo bi kaa kyerɛɛ no dɛ ɔsom bo ma Jehovah na obenya no nokwardzi no ho akatua

• Lu 1:​5-13—Jehovah nam anwanwa kwan do maa Zechariah na Elizabeth a nna hɔn mfe akɔ enyim no woo babanyin na wɔtoo no dzin John

• Lu 2:​25-35—Simeon a nna ne mfe akɔ enyim no enyi gyee dɛ Jehovah maa no hokwan ma ohun abofra a ɔbɛba abɛyɛ Messiah no, na ɔhyɛɛ nkɔm faa abofra no ho

• Adw 7:​23, 30-36—Aber a Jehovah maa Moses bɛyɛɛ ne man Israel kandzifo no nna oedzi mfe 80

Bible mu nsɛm a ɔbɔboa wo:

• Ge 45:​9-11; 47:12—Joseph maa ne papa Jacob a nna ɔabɔ akɔkora no bɛtsenaa ne nkyɛn, na ɔhwɛɛ no ara kesii dɛ owui

• Ru 1:​14-17; 2:​2, 17, 18, 23—Ruth kaa nsɛm a ɔhyɛ nkuran na ɔyɛɛ ndzɛmba boaa Naomi a nna ɔabɔ aberwa no

• Joh 19:​26, 27—Aber a nna Jesus sɛn dua no do no, ɔdze ne maame hyɛɛ no suanyi John nsa dɛ ɔnhwɛ no