Ena ika28 ni Julai 2023, e sevutaka o Brother Salvador Domingos, e lewe ni Komiti ni Tabana e Angola na New World Translation of the Holy Scriptures ena vosa vakaNyaneka. E sevutaki na iVolatabu vou qori ena gauna ni soqo ni veiwasewase e kena usutu “Vakaraitaka na Vosota”! E caka na soqo e Lubango, ena yasana o Huíla, ena ceva kei Angola. Era tiko kina na le 2,621. E veisoliyaki kina na ilavelave ni iVolatabu, e rawa tale ga ni download ena iyaya vakalivaliva.

Era vakaitikotiko e levu na lewenivanua vosa vakaNyaneka e Angola, e okati kina na yasana o Benguela, Cunene, Huíla, kei Namibe. E tiko na ofisi ni vakadewa ena siti o Lubango, e qaravi kina na vakadewataki ni noda ivola ina vosa vakaNyaneka.

E sa vakadewataka oti eso na ivola ena iVolatabu ina vosa vakaNyaneka. Ia na imatai ni iVolatabu me vakadewataki taucoko ina vosa qori na New World Translation of the Holy Scriptures. E vica tiko na mataqali vosa vakaNyaneka, e saga gona na timi ni vakadewa me vakayagataka na vosa era na kila e le levu.

Eda marau vata kei ira na tacida era vosa vakaNyaneka, nira sa rawa ni vakayagataka na nodra iVolatabu vou mera vukei ira e levu mera vulica na veika me baleti Jiova qai sokaloutaki koya.—Aisea 2:3.