Ena ika16 ni Janueri 2021, e sevutaki na New World Translation of the Holy Scriptures ena vosa vakaUmbundu. Sa katoni oti na porokaramu ra qai sarava na ivavakoso era vosataka na vosa qori ena vanua kece e Angola. E sevutaka na iVolatabu o Brother Genésio Verdiano, e lewe ni Komiti ni Tabana e Angola.

E vosataki vakalevu e Angola na vosa vakaUmbundu qai rauta ni le vitu na milioni era vosataka na vosa qori. E sivia tale ga ni 6,500 na dautukutuku era vosa vakaUmbundu.

Era cakacaka vata me lima na yabaki e rua na timi ni vakadewa me vakadewataki kina na iVolatabu qori. E kaya e dua vei ratou na daunivakadewa: “E matata na ivakadewa vou qo. Nida wilika e vaka sara ga era se bula tiko o ira na talanoataki tiko kina. E rawarawa tale ga nida vakavulica vei ira eso tale na Vosa ni Kalou.”

E kaya e dua na lewe ni Komiti ni Tabana: “Ena rawarawa nodra kila na ka dina na lewenivanua nira wilika ena nodra vosa na iVolatabu. Keimami marautaka na sala e vakayagataka kina o Jiova nona Vosa me rawa ni levu era wilika.”—2 Cesalonaika 3:1.