Ena ika13 ni Janueri 2024, e vakayacori e dua na soqo ena valenivolavola ni tabana e Luanda, e Angola. E qai sevutaka kina o Brother Jeffrey Winder, e dua na lewe ni iLawalawa Dauvakatulewa na New World Translation of the Christian Greek Scriptures ena vosa vakaChokwe. Era tiko kina e le 187 na mataveitacini, ra sema tale ga ena internet e le 353,427. Era okati kina e le 1,644 na tacida era vosa vakaChokwe. E veisoliyaki na kena ilavelave tabaki vei ira na tiko ena soqo, sa rawa tale ga ni download ena iyaya vakalivaliva.

E rauta ni le tolu na milioni era vosataka na vosa qori e Angola, na Democratic Republic of the Congo, kei Zambia. Gauna qo, era veiqaravi tiko e le 462 na tacida ena tini na ivavakoso vosa vakaChokwe e Angola. E le 734 na tacida era veiqaravi tiko ena 21 na ivavakoso vosa vakaChokwe ena Democratic Republic of the Congo.

Ena nona ivunau o Brother Winder e kaya ni volai vaka237 na yaca ni Kalou, Jiova, ena vakadewa ni iVolatabu qo. E kaya e dua na tacida tagane: “Na Roma 10:13 e kaya ‘o ira kece na masuta na yaca i Jiova era na bula.’ Ia eso na vakadewa ni iVolatabu vakaChokwe e sega ni vakamatatataka na kena ibalebale. Au rai vakanamata gona meu na vakayagataka na iVolatabu qo, meu vukei ira kina e levu ni bibi mera kila na yaca i Jiova me rawa nira vakabulai. Qo e dua dina na iloloma totoka!”

Eda nuidei ni vakadewa ni iVolatabu vakaChokwe qo ena vukei ira e levu mera mai vulici Jiova, ra qai lomani koya ena lomadra taucoko kei na nodra kaukaua.​—⁠Marika 12:⁠33.