OKOTOVA 18, 2023
ANGOLA
Sevutaki na iVola i Maciu kei na Cakacaka ena Vosa Vagalu ni Angola
Ena ika23 ni Seviteba 2023, e sevutaki na ivola i Maciu kei na Cakacaka ena vosa vagalu ni Angola. E sevutaka o Brother Johannes De Jager, e lewe ni Komiti ni Tabana e Angola. Era tiko kina e rauta na le 1,881 ena Vale ni Soqoni Lelevu ena siti o Luanda e Angola. E sa rawa ni download ena jw.org kei na porokaramu na JW Library Sign Language.
Era tiko e Angola e rauta na le 360,000 na galu. E tauyavu na imatai ni ivavakoso vosa vagalu e Angola ena 2010. Nikua era veiqaravi tiko kina e sivia na 1,000 na dautukutuku ena 37 na ivavakoso vosa vagalu, 7 na iwasewase lailai, kei na 1 na ivavakoso vou.
Qo na imatai ni gauna me vakadewataki kina e dua na ivola ena iVolatabu ena vosa vagalu ni Angola. Ni oti nona dikeva na ivola na Cakacaka e dua na tacida tagane, e kaya: “Au marautaka na sala e vakadewataki kina na Cakacaka 8:26-30, na nona cici o Filipi me sotava na matanivanua ni Iciopea. Au vulica kina na bibi ni noqu gugumatua ena cakacaka vakaitalatala.”
Eda nuidei ni na vukei ira e levu na rua na ivola vou qo mera vakila na ‘serau ni mata i Jiova.’—Tiko Voli Mai na Lekutu 6:25.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.
TARO E TAROGI WASOMA
Era Vakabauta na iVakadinadina i Jiova na Veiyalayalati Makawa?
Sa sega ni yaga eso na ivola ena iVolatabu? Raica na sala e yaga kina vei ira na lotu vaKarisito na ivakavuvuli eso ena iVolatabu vakaIperiu.