Ena ika3 ni Tiseba 2022, e sevutaka o Brother Samuel Campos, e lewe ni Komiti ni Tabana e Angola, na ivola i Maciu kei na Cakacaka ena vosa vakaChokwe kei na vosa vakaIbinda. E sevutaki e liu ena iyaya vakalivaliva. Era qai sarava na kena porokaramu katoni ena internet e rauta ni 2,000.

E tauyavu ena 2007 na imatai ni wasewase lailai vosa vakaChokwe. Nikua e sa tini na ivavakoso vosa vakaChokwe e Angola, e 23 ena Democratic Republic of the Congo.

E kaya e dua na daunivakadewa ena vosa vakaChokwe: “E tiko eso tale na ivakadewa ni iVolatabu vakaChokwe. E vakayagataki e dua na iVolatabu na vosa e kilai rawarawa, ia e vakamacalataki ga vakalekaleka na tikinivolatabu. E dua tale, e tiko kina na iVolatabu taucoko, ia e dredre me kilai. Niu wilika na ivakadewa vou qo, e vaka ga e vosa tiko vei au o Jiova.”

E tauyavu ena 2014, na imatai ni ivavakoso vosa vakaIbinda. Nikua e sa 13 na ivavakoso. Ni bera ni sevutaki na ivola i Maciu kei na Cakacaka ena vosa vakaIbinda, a sega tu na ivakadewa ni iVolatabu ena vosa qo. Era dau vakayagataka na tacida na New World Translation ena vosa vakaPotukali. E kaya e dua na daunivakadewa ena vosa vakaIbinda: “Dina ga niu sa dau wilika vakalevu eso na tikinivolatabu, ia qo e sa qai matata sara vei au. E dua na ka dokai vei au meu bau veivuke tu kina. E vakaukauataka sara ga na noqu vakabauta.”

Eda nuidei ni na vukei ira vakalevu na tacida na rua na ivola ena iVolatabu ena vosa vakaChokwe kei na vosa vakaIbinda mera toro voleka vei Jiova.—Jemesa 4:8.