29 EPERELI, 2019
ARGENTINA
Tara na Valenivolavola ni Tabana Vou e Argentina
Ena Okosita 2018, e tara na valenivolavola ni tabana vou e Buenos Aires, e Argentina. E okati kina e 136 na vanua ni cakacaka kei na rua na itikotiko e 98 na kena rumu. Na valenivolavola ni tabana makawa e kovuta e levu na vanua, ia na valenivolavola vou qo ena tiko kece ga ena dua na vanua, me vakarawarawataka na cakacaka. Na itaba kece e toka e ra e vakaraitaka na irairai ni vanua ni tekivu na tarataravaki.
Levu ni vanua taucoko e rauta ni 8,524 na mita vakarivirivi, e toka ena taudaku ni siti o Buenos Aires.
Okosita 2018: E le tini na tacida yalewa kei na tagane era daunipeleni era vakarautaka na peleni me 18 na vula.
Seviteba 2018: Keli na yavu me biu kina na duru ena taura na vale.. E duatani toka na qele eke, e biu kina e 103 na paipo e rauta ni 38 mita na kena titobu e lomaniqele me rawa ni dei na yavu.
Noveba 2018: Vakayagataki e dua na misini e 33 na mita na kena cere.
Noveba 2018: Vakabibitaki ena gauna ni bose na qaqarauni ni caka tiko na tarataravaki.
Janueri 2019: Vakayagataki na misini lelevu ni kelikeli ena vanua me caka kina na elevator.
Maji 2019: Biu na sitila kei na simede ena yavu ni dua na vale me taura dei.
Rawa ni o Wilika Tale ga
ITUKUTUKU VOU
iRogo ena Tara ni Peceli e Argentina
TARATARAVAKI
iKarua ni iWasewase ni iTaba ena Valenivolavola ni Tabana ena Yatu Filipaini (June 2015 ina June 2016)
Era cakava na iVakadinadina i Jiova ena Yatu Filipaini e levu na veiveisau ena valenivolavola ni tabana ena siti o Quezon. Raica mada na toso ni cakacaka.