Era vakaraitaka na vakailesilesi ena siti o Buenos Aires nodra vakavinavinakataka na soqo ni veimatanitu ni iVakadinadina i Jiova ena 2019. Era kaya na soqo qori e laurai kina nodra ivakarau ni veimaliwai, ka vakayalo kei na nodra itovo vakavanua. Ena ika12 ni Tiseba, 2019 e vakayacori e dua na veitarotarogi me baleta na soqo qori. Era solia kina na vakailesilesi na sitivikiti vei ira na tacida nira vakavinavinakataka na soqo bibi qori.

Rau vakavinavinakataki ira na tacida e rua na vakailesilesi ni matanitu, o Claudio Romero kei Federico Pugliese ena nodra cakacaka e Buenos Aires. E kaya o Claudio Romero: “Ena yaga vakalevu ena noda itikotiko na nomuni ivakavuvuli vakalotu, veiyaloni kei na duavata. Dua na ka noqu doka vakalevu nomuni lotu, ni oni yalorawarawa oni yalodina tale ga ena itavi oni qarava. E dodonu me keimami doka na loloma kei na igu oni vakaraitaka moni vakavulica nomuni vakabauta vei ira eso tale.” E kaya o Federico Pugliese: “Oni tiko nikua ena soqo e kena usutu, ‘E Sega Vakadua ni Seavu na Loloma.’ Au kila ni oni dau vakaraitaka na loloma, sega wale ga ena soqo qo, ia oni vakaraitaka e veisiga ni uqeti kemuni sara ga na loloma.

Na veika vakalawa qori era vakavinavinakataki kina na tacida nira vakaraitaka na loloma vei ira na tiko veitikivi. Eda sega wale ga ni vakaraitaka na loloma meda vakacerecerei kina, ia me vakacaucautaki ga na Kalou dauloloma o Jiova.—1 Joni 4:8.