Ena ika26 ni Me 2024, a vakayacori na soqo lavotaki ena dua na Vale ni Soqoni Lelevu e Abomey, e Benin. E sevutaka kina o Brother Abdiel Worou, e dua na lewe ni Komiti ni Tabana ena Ra kei Aferika na New World Translation of the Christian Greek Scriptures ena vosa vakaFon. Era tiko ena soqo qori e 920 na mataveitacini, ia e 6,188 tale era sema kina ena vidio. E veisoliyaki na kena ilavelave tabaki vei ira na tiko ena soqo. Sa rawa ni download ena iyaya vakalivaliva, rawa tale ga ni rogoci na kena katokatoni.

E rauta ni rua na milioni na lewenivanua e Benin era vakayagataka na vosa vakaFon, e okati kina e sivia na 4,000 na mataveitacini era veiqaravi tiko ena 84 na ivavakoso vosa vakaFon kei na wasewase lalai. Ena 2022, e sevutaki na ivola The Bible—The Good News According to Matthew, qai so tale na ivola me baleta na Christian Greek Scriptures e vakarautaki vakalailai ena iyaya vakalivaliva ena vosa qori.

Eda duavata kei ira na mataveitacini era vosa vakaFon nida vakavinavinakataki Jiova ni vakarautaka na nona Vosa vei ira e levu era taleitaka mera muria na kena ivakasala nikua.—Joni 17:17.