Ena ika18 ni Seviteba 2022, e kacivaka o Brother Hamilton Vieira, e lewe ni Komiti ni Tabana e Brazil ni sa tiko ena jw.org kei na JW Library Sign Language, na vakadewa taucoko ni New World Translation of the Holy Scriptures ena vosa vagalu vakaBrazil. E caka na kena porokaramu ena dua na vanua ni sarasara ena valenivolavola ni tabana e Brazil, ra qai sarava ena stream e sivia ni le 36,300.

Qo na imatai ni iVolatabu e vakadewataki ena vosa vagalu ni Brazil. E ikatolu tale ga ni iVolatabu me vakadewataki ena vosa vagalu e veiyasa i vuravura. Ena 2006, e tekivu vakadewataki na Kosipeli i Maciu. Oti e tabaki e vica tale na vakadewa ni ivola ena iVolatabu.

E kaya e dua na tacida yalewa o Angellyca: “I liu, e dau dredre meu kila na ibalebale ni ka au wilika ena iVolatabu vakaPotukali. Ia na iVolatabu qo e matata, qai rawarawa noqu raitayaloyalotaka na ka au wilika!”

Ena 1982, era tauyavutaka na iVakadinadina i Jiova na imatai ni ivavakoso vosa vagalu e Rio de Janeiro. Nikua, e rauta ni 9,500 na dautukutuku era veiqaravi tiko ena 246 na ivavakoso vosa vagalu ni Brazil, 337 na iwasewase lailai, kei na 63 na iwasewase vou.

Na iVolatabu e sevutaki qo e vakaraitaka nona loloma o Jiova vei ira na mataveitacini. Meda masulaka ni na vukei ira e levu tale na iloloma totoka qo mera mai kilai Jiova kei na Luvena, mera rawata tale ga na bula tawamudu.—Joni 17:3.