Ena ika15 ni Feperueri, 2022, e vakavuna na sisi ni qele na tau bi ni uca ena siti o Petrópolis ena yasana o Rio de Janeiro, Brazil. Ra vakacacani na vale kei na vanua ni bisinisi. Se qai vakadua me va tu qori na tau bi ni uca ena loma ni 24 na aua.

• E mavoa vaka ca e 1 na tacida tagane qai kau i valenibula. Ka ni rarawa ni mate o luvena tagane yabaki 2 ena sisi ni qele

• E mate tale ga e 1 na tacida tagane

• Era tokitaki e 86 na dautukutuku

• E vakarusai e 2 na vale

• E vakacacani vakalailai e 15 na vale

• E vakacacani vakalevu e 2 na Vale ni Soqoni

• E tuvanaki e dua na Komiti ni Vakacoko me qarava nodra vukei na tacida

• Era vakarautaka na ivakatawa ni tabacakacaka kei ira na qase ni vavakoso na kakana, wai kei na isulu. Era vukei tale ga vakayalo na tacida era vakaleqai

• Era lai vakaicili na tacida era tokitaki vei ira na wekadra se mataveitacini

• E muri tiko na vakatatabu ni COVID-19 ena gauna ni vakacoko

Nida masulaki ira tiko na tacida era vakaleqai ena leqa tubukoso qo, eda kila ni o Jiova ena ‘vakaceguya na lomadra qai vakataudeitaki ira,’ vakabibi o ira e takali na wekadra.—2 Cesalonaika 2:16, 17.