Ena imatai ni Okotova 2022, e sevutaka ena iyaya vakalivaliva o Brother Stephen Attoh, e lewe ni Komiti ni Tabana e Cameroon, na vakadewa taucoko ni New World Translation of the Holy Scriptures ena vosa vakaBassa (Cameroon). E katoni na kena ivunau qai saravi ena stream. E tuvanaki tiko me vakarautaki na kena ilavelave tabaki ena Epereli 2023. Qo na imatai ni vosa e Cameroon mera vakadewataka na tacida na kena iVolatabu taucoko. Ena 2019, sa sevutaki kina na iVolatabu vaKirisi vaKarisito ena vosa vakaBassa (Cameroon).

Ni bera ni sevutaki na iVolatabu qo, sa tiko rawa eso tale na vakadewa ni iVolatabu ena vosa vakaBassa. Ia e dredre me kunei, e saulevu, qai vakayagataki kina na vosa makawa. E kaya e dua na daunivakadewa: “Na iVolatabu vou qo era na yadua sara ga na tataleitaki. Na rawarawa kei na matata ni vosa e vakadewataki kina, ena rawarawa kina nodra kila na ka era wilika.”

Eda marautaka ni sa tiko na nodra iVolatabu taucoko na tacida era vosa vakaBassa (Cameroon). Sa rawa nira vakayagataka ena nodra vuli vakataki ira, kei na cakacaka vakavunau nira vaqarai ira na veiciqomi.—Maciu 10:11.