Ena ika2 ni Feperueri 2024, dua na ka na kaukaua ni cagi kei na katakata ni draki lai vakavuna e rua na kama levu ena yasayasa o Valparaíso ena baravi kei Chile. E vakarusai kina e sivia ni 15,000 na vale ena siti o Viña del Mar kei na veivanua voleka. E tukuni ni rauta e 40,000 na lewenivanua era vakila na vakacaca ni kama qo. E levu e boko na nodra livaliva, e sega tale ga na wai. E dredre vei ira na dauboko buka kei na tabana ni bula mera veivuke ena veivanua e kama. E ripotetaki ni levu era mavoa, qai sivia e le 130 era mate.

• Ka ni rarawa ni mate e dua na tacida yalewa

• Mavoa vakaca e dua na tacida tagane

• Mavoa e le 24 na tacida

• Tokitaki e le 715 na tacida

• Vakacacani e 72 na vale

• Vakacacani vakalevu e rua na vale

• Vakacacani vakalailai e dua na vale

• Sega ni vakacacani na Vale ni Soqoni

• Rauta ni le 4,700 na mataveitacini era tiko ena vanua e kama

• E tuvanaki na Komiti ni Vakacoko me veivuke ena leqa tubukoso qo

• Era gole eso na tacida mai na valenivolavola ni tabana e Chile mera lai vakayaloqaqataki ira na tacida. Era veivuke qai veivakayaloqaqataki tale ga na ivakatawa ni tabacakacaka kei ira na qase vei ira na vakaleqai

Eda nuidei ni o Jiova e raica na “rarawa kei na leqa” era sotava na tacida ena leqa tubukoso qo, ena vakarau vakaotia tale ga vakadua.—Same 10:14.