Ena ika22 ina 25 ni June 2023, e tara na ceva kei na yasayasa e loma kei Chile na draki ca kaukaua kei na tau bi ni uca. Era tiko ena vanua qori e rauta na le 20,000 na lewenivanua. E vakacacani na nodra vale e sivia na le 5,000 ra qai tokitaki e vicavata na udolu. Rau sa takali e le rua, qai rau se yali tiko ena gauna qo e le rua.

• E sega ni dua na tacida e mavoa se takali

• Era toki mai nodra vale e 212 na dautukutuku

• E vakacacani vakalevu e 13 na vale

• E vakacacani vakalailai e 38 na vale

• E sega ni vakacacani na Vale ni Soqoni se dua tale na vale ni isoqosoqo

• Era veivuke e vica na drau na tacida ena kena samaki qai vakavinakataki na vale

• Era veivuke vakayago, vakayalo tale ga na ivakatawa ni tabacakacaka kei na qase ni ivavakoso vei ira na tacida era vakaleqai

• E tuvanaki e 2 na Komiti ni Vakacoko me qarava na nodra vukei na tacida

Meda kerei Jiova me vukei ira qai vakayaloqaqataki ira na tacida e Chile e tarai ira na leqa tubukoso qo.—2 Cesalonaika 2:16, 17.