Ena ika19 ina ika23 ni Okosita 2023, e vakacaca na cagilaba kei na waluvu ena ceva kei Chile. Ka ni rarawa nira vakaleqai kina e levu na tacida era sotava tale ga na vakacaca ni cagilaba ena June 2023. E tukuni ena dua na ripote ni sa sivia qo e 10 na yabaki me tau bi tale vakalevu na uca ena yasayasa qo. Na tubu ni wai ena Wasa Pasifika kei na dua na mataqali draki e vakatokai na El Niño, e vakavuna na bi ni uca kei na waluvu ena levu na vanua. E vakacacani qai vakarusai e rauta ni 25,000 na vale, ratou mate e le tolu.

• Sega ni dua na tacida e mate se mavoa

• Tokitaki e le 225 na dautukutuku

• Vakacacani vakalevu e 13 na vale

• Vakacacani vakalailai e 38 na vale

• Vakacacani vakalailai e 3 na Vale ni Soqoni kei na nona vale e dua na tacida a dau caka tu kina na soqoni

• Era vakarautaka na ivakatawa ni tabacakacaka kei ira na qase ni vavakoso na veika era gadreva na vakaleqai. Era veivakayaloqaqataki tale ga mai na iVolatabu

• Tauyavu e 2 na Komiti ni Vakacoko me qarava na cakacaka ni vakacoko

Meda nanumi ira ena masu na tacida era vakaleqai ena cagilaba qo, da qai rai vakanamata ena gauna e veiliutaki kina na Matanitu ni Kalou ni sa na vakaotia vakadua na leqa tubukoso.—Aisea 32:18.