PUENTE ALTO, Chile—Ena ika13 ni Epereli 2014, a tete na kama ena siti o Valparaíso, na ikelekele ni waqa rogo e Chile. Era mate kina e rauta ni le 15, era mavoa e le 500. E kamayavu kina e 2,900 na vale, era tokitaki e le 10,000 vakacaca.

E vola mai na valenivolavola ni tabana ni iVakadinadina i Jiova e Chile ni mate tale ga ena kama e dua sa kenaturaga e iVakadinadina. E kama tale ga na nodra vale e le 89 na iVakadinadina. Levu vei ira na tokitaki era lai tiko ena nodra vale na vakabauta vata. Sega ni bera nodra tuvanaka e dua na timi ni vakacoko na valenivolavola ni tabana mera vukei kina na vakaleqai. Era sasamaki sara eso na timi era bolecakacaka. Ni sa vinaka na ituvaki, ena tara tale e rauta ni 28 na nodra vale na iVakadinadina.

E kaya o Jason D. Reed na mata ni iVakadinadina i Jiova e Chile: “Ka dina ni rarawa ni keimami rogoca na nodra vakaleqai o ira keimami tiko veitikivi. Keimami lolositaki ira keimami vakabauta vata era mate, keimami sega tale ga ni guilecavi ira na wekadra kei na nodra itokani ena neimami masu. Keimami na vukei ira tiko ga na vakaleqai ena kama ena ka era gadreva nira vosota tiko na revurevu ni leqa tubukoso qo.”

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000

Chile: Jason D. Reed, talv. +56 2 2428 2600