26 EPERELI, 2019
COLOMBIA
Era Vakavinavinakataki na iVakadinadina i Jiova Nira Caka Vuli iVolatabu e Valeniveivesu
Sa sivia e 20 na yabaki nodra caka vuli iVolatabu tiko na tacida e Colombia vei ira na kaivesu. Ena ika30 ni Noveba, 2018, e solia na Paulo Freire Educational Center, na sitivikiti vei ira na iVakadinadina i Jiova ena nodra veivakavulici ena iVolatabu e valeniveivesu ena siti o Valledupar. Nikua, sa rauta ni le 50 na kaivesu era vuli iVolatabu tiko.
Era sa veivakavulici tiko na tacida ena 65 na valeniveivesu e Colombia taucoko, qai le 782 na vuli iVolatabu. Tekivu ena 1996, era sa papitaiso e le 60.
A vuli iVolatabu o Néver Antonio Cavadía ni se tu e valeniveivesu, qai papitaiso ena 1998. A sere ena 2007 ena valeniveivesu e Valledupar. Na yaga ni ka e vulica, e kaya: “Niu se tu e valeniveivesu, e taqomaki au qai vukei au na ivakasala yaga ena iVolatabu. E uqeti au tale ga meu veisautaka e levu na ka ena noqu bula qai vakanuinui tiko ga.”
Eda na saga meda vunau vei ira na tu e valeniveivesu e veiyasa i vuravura. Nida kila na inaki i Jiova mera “bula na tamata kece ga, mera mai kila vinaka na ka dina.”—1 Timoci 2:4.