Ena ika20 ni Feperueri 2022, e sevutaka o Brother Nicolas Hifinger e lewe ni Komiti ni Tabana e Congo (Kinshasa), na New World Translation of the Christian Greek Scriptures ena vosa vaKipende. E sevutaki na iVolatabu qori ena iyaya vakalivaliva. E katoni na kena porokaramu, ra qai vakarorogo kina e rauta ni 10,000 na dautukutuku. Sa na tiko na kena ilavelave tabaki ena Epereli 2022.

E laurai ena itukutuku makawa ni iVakadinadina i Jiova ni tauyavu na yalava vosa vaKipende ena veiyabaki ni 1960. Qori na nona taura e dua na tagane o Makanda Madinga Henri e dua Na Vale ni Vakatawa. Ni wilika oti, e vakadeitaka ni dina na itukutuku e tiko kina, e mani wasea vei ira eso tale na ka e vulica. Oti e papitaiso sara me iVakadinadina i Jiova. Toso na gauna, e tauyavutaki na imatai ni vavakoso vosa vaKipende e Kiefu ena 1979.

Na iVolatabu qo ena yaga vakalevu vei ira na tacida ena nodra vuli vakataki ira, kei na nodra vunautaka na itukutuku vinaka. Kena ivakaraitaki, e kaya o Brother Hifinger ni “donu qai matata” na vakadewa qo, e “vakalesuya tale ga na yaca i Jiova ena vanua e dodonu me volai kina.”

Meda masulaka ni na vukei ira na tacida na New World Translation qo, mera ‘vua ena cakacaka vinaka kece, ra qai vakalevutaka tiko ga na kilaka dodonu me baleta na Kalou.’—Kolosa 1:10.