3 JUNE, 2021
DEMOCRATIC REPUBLIC OF THE CONGO
Sevutaki na New World Translation of the Christian Greek Scriptures ena Vosa vaka-Alur
Ena ika 30 ni Me 2021, e sevutaki ena iyaya vakalivaliva na New World Translation of the Christian Greek Scriptures ena vosa vaka-Alur. A sevutaka qori o Brother Hugues Kabitshwa, e lewe ni Komiti ni Tabana e Congo (Kinshasa), qai katoni na kena porokaramu
Eso na iTukutuku
E vosataki vakalevu ena Loma kei Aferika na vosa vaka-Alur, vakabibi eso na vanua ena Democratic Republic of the Congo, kei na veivanua voleka e Uganda
Era vosataka na vosa vaka-Alur e rauta ni 1,735,000 na lewenivanua
E sivia ni 1,500 na dautukutuku era veiqaravi tiko ena 48 na ivavakoso, kei na iwasewase lailai vosa vaka-Alur
E rauta ni dua na yabaki nodratou vakadewataka na iVolatabu qo e 6 na daunivakadewa
E kaya o Brother Christian Belotti, e lewe ni Komiti ni Tabana e Congo (Kinshasa): “Era na marautaka vakalevu mera wilika na iVolatabu qo na tacida era vosa vaka-Alur. Ena vukei ira mera vakamacalataka na tikinivolatabu, ra qai vukei ira eso tale mera kila qai mareqeta na Vosa ni Kalou.”—Luke 24:32.
Eda nuidei ni na vukei ira na tacida na iVolatabu qo, mera kacivaka tiko ga na “itukutuku vinaka tawamudu.”—Vakatakila 14:6.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.