A luvu ena vula o Tiseba na tauni o Boma, rauta ni 470 na kilomita ena cevaira kei Kinshasa, e Congo. Era se veivuke tiko ga na iVakadinadina ena nodra vakacokotaki na nodra lewenilotu kei na so tale era vakaleqai ena waluvu.

E 39 na vuvale iVakadinadina i Jiova era vakaleqai ena waluvu, qai mate e dua na nodra lewenilotu. E vakacacani vakaca na nodratou vale e lima na vuvale iVakadinadina, e lima tale na vale e sega ni vakacacani sara vakalevu.

E vakauta na valenivolavola ni iVakadinadina i Jiova e Congo eso na ka era vinakata vakatotolo na iVakadinadina era vakaleqai, me vaka na kakana kei na isulu. Era bole tale ga mera veivuke na iVakadinadina e Matadi kei Muanda, rua na korolevu e bau toka volekata na tauni o Boma.

E cicivaka tiko na cakacaka ni vakacoko e Congo na iLawalawa Dauvakatulewa ni iVakadinadina i Jiova ena nodra itikotiko liu e Warwick, Niu Yoka, qai vakayagataki kina na ilavo e dau cautaki me baleta na nodra cakacaka na iVakadinadina e veiyasa i vuravura.

Gusunivosa:

Veiyasa i vuravura: David A. Semonian, Valenivolavola ni iTukutuku, +1-845-524-3000

Democratic Republic of the Congo: Robert Elongo, +243-81-555-1000