Ena Sigatabu na ika21 ni June 2020, e sevutaki kina na iVolatabu vakavoutaki na New World Translation of the Holy Scriptures vakaGeorgia ena dua na soqo lavotaki nira qiri ena vidio. E sevutaka na iVolatabu qori o Brother Geoffrey Jackson, e lewe ni iLawalawa Dauvakatulewa, ena ivunau sa katoni oti. Era sarava rawa kina na porokaramu qori e le 19,521. Gauna ga e sevutaki kina, sa tiko tale ga na ena jw.org mera download na tacida.

E taura e va na yabaki na kena vakavoutaki na iVolatabu vakaGeorgia. E kaya e dua vei ira na timi ni vakadewa, “E vakayagataki sara ga na vosa rawarawa mera kila na tamata kece, au nuitaka nira na taleitaka sara ga na vuvale mera vulica.”

E kaya e dua tale na daunivakadewa, “E kena inaki mera kila vinaka na dauwiliwili, ke ra sega mada ga ni vuli vinaka.”

Na vakadewa qo e donu qai matata, eda nuidei nira na vakavinavinakataki Jiova o ira na wilika ena vuku ni nona loloma.—Jemesa 1:17.