4 ME, 2022
GHANA
Sevutaki na New World Translation Vakavoutaki ena Vosa vakaTwi (Asante)
Oti nona ivunau Brother Sanderson sa rawa ni download na iVolatabu e vakavoutaki
Ena ika24 ni Epereli 2022, e sevutaka ena iyaya vakalivaliva o Brother Mark Sanderson, e lewe ni iLawalawa Dauvakatulewa, na New World Translation of the Holy Scriptures e vakavoutaki ena vosa vakaTwi (Asante). Sa rawa ni download na iVolatabu qori ni oti ga na ivunau. Ena vakarautaki na kena ilavelave tabaki ena Okosita.
E levu na nodra vosa na yavusa na Akan okati kina na vosa vakaTwi (Asante) kei na vosa vakaTwi (Akuapem), era vosataka e vica vata na milioni na lewenivanua era tiko ena Ra kei Aferika. Ena 1871, e vakadewataki na iVolatabu ena vosa ga vakaTwi (Akuapem). Ena 1897, e sevutaki e dua tale na vakadewa ni iVolatabu ena vosa qori. Ia ena 1964, sa qai tabaki na imatai ni ilavelave ni iVolatabu ena vosa vakaTwi (Asante). Ena 2012, e tabaki na ilavelave ni New World Translation ena vosa vakaTwi (Asante).
Sarava tiko na tacida yalewa qo e nona vale na porokaramu e katoni
E kaya e dua na daunivakadewa ni raica lesu na kena vakadewataki na iVolatabu qo: “Ni tekivu na vakadewa, dua na ka neitou lomaleqa ena levu ni ka me caka. Ia neitou nuitaka na yalo tabu i Jiova salavata kei na masu, keitou vakila e veisiga na veivuke i Jiova.”
Na vakadewa vakavoutaki ni New World Translation ena vosa vakaTwi (Asante), e dua tale nona iloloma talei o Jiova vei ira na tacida me rawa nira kilai koya vinaka na Kalou lomasoli.—Jemesa 1:17.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.