Ena Vukelulu na ika14 ni June, 2017, a kurea na ra kei Guatemala volekata na iyalayala ni vanua kei Mexico e dua na uneune e 6.9 na kena kaukaua. Ratou mate e rauta ni le 5 na lewenivanua qai sisi na qele ena levu na vanua. Era ogaoga sara tiko na iVakadinadina i Jiova ena nodra vakacegui kei na nodra vukei o ira na vakaleqai ena uneune kaukaua qori.

E sega ni dua na iVakadinadina e vakacalaka se mavoa ena vanua e yaco kina na uneune. Ia e vakacacani e 11 nodra vanua ni sokalou kei na 17 nodra vale na iVakadinadina. E tuvanaka totolo sara na valenivolavola ni tabana ni iVakadinadina i Jiova e Mexico City e tolu na komiti ni leqa tubukoso e Guatemala, me raica na levu ni vakacaca e yaco, kei na ka me vakarautaki mera vukei kina na vakaleqai.

E cicivaka tiko na cakacaka ni vakacoko na iLawalawa Dauvakatulewa ni iVakadinadina i Jiova ena nodra itikotiko liu, qai vakayagataki kina na ilavo e dau cautaki me baleta na nodra cakacaka na iVakadinadina e veiyasa i vuravura.

Gusunivosa:

Veiyasa i vuravura: David A. Semonian, Valenivolavola ni iTukutuku, +1-845-524-3000

Mexico: Gamaliel Camarillo, +52-555-133-3048

Guatemala: Juan Carlos Rodas, +502-5967-6015