Ena vica na yabaki sa oti, era vosota na tacida na levu ni vakacaca kei na vakaduiduile e yaco tiko e Haiti. Ena ika2 ni Maji 2024, sa tekivu yaco na itovo kaukaua qori e Port-au-Prince na koro turaga kei Haiti. Era vakaiyaragi na ilala dauvakacaca ra qai vakacacana na vale kei na levu na ka. E mani vakatabuya na matanitu na veitosoyaki ni sa tu sara tu ga ena dua na ituvaki leqataki. E ripotetaki nira sa tokitaki e rauta ni le15,000 ena vanua e rawa nira taqomaki kina, ra qai mate e levu.

• Sega ni dua na tacida e mavoa se mate

• Era tokitaki e 113 na tacida

• Vakarusai e rua na vale

• Ratou vakayalia e lima na vuvale na ka kece ratou taukena ena vuku ni butako

• Sega ni vakacacani se vakarusai e dua na Vale ni Soqoni

• E tuvanaki e va na Komiti ni Vakacoko me raica na nodra vukei na tacida ena vanua e qarava na valenivolavola ni tabana

• Era veivakayaloqaqataki ra qai vakarautaka na ka ni veivuke na ivakatawa ni tabacakacaka kei ira na qase ni ivavakoso, vei ira na tacida era vakaleqai, okati kina o ira na toki ena dua tale na vanua

Nida mataveitacini e vuravura raraba, meda nanumi ira mada ga na tacida e Haiti ena masu ni na solia o Jiova vei ira na vuku, kei na lomavakacegu ena gauna dredre qori. Da qai vakanamata kece ena kena vakayacori na vosa ni yalayala i Jiova ena vuravura vou ni sa na ‘vakilai kina na sautu.’—Same 72:7.