Ena ika27 ni June 2021, e sevutaki ena matanivola vakaRoma na New World Translation of the Holy Scriptures ena vosa vakaTamil. E katoni na kena porokaramu ra qai vakarorogo kina na tacida era vosa vakaTamil ena 16 na duidui vanua.

• Era vosataka na vosa qo e rauta ni 85 na milioni na lewenivanua e veiyasa i vuravura

• Sivia e 20,500 na dautukutuku era veiqaravi tiko ena 334 na ivavakoso kei na 32 na iwasewase lailai vosa vakaTamil

• Le 5 na daunivakadewa ratou vakadewataka na iVolatabu qo ena loma ni 6 na vula

Ena Seviteba 2016, a sevutaki kina na New World Translation ena matanivola vakaTamil. Ia eso vei era vosa vakaTamil e dredre mera wilika na kena matanivola, e rawarawa ga mera wilika na matanivola vakaRoma.

E kaya e dua na daunivakadewa ni vakayagataka na iVolatabu qo ena nona vuli vakataki koya: “Dredre dina meu wilika na matanivola vakaTamil, au sa dau vakayagataka tu ga kina na iVolatabu vakavalagi. Ia na ivakadewa vou qo, e vukei au sara ga vakalevu.”

Eda nuidei ni iVolatabu qo ena vukei ira e levu na mataveitacini mera wilika, qai vakasamataka vakatitobu na Vosa ni Kalou. Era na marautaka tale ga mera wasea vei ira eso tale ena cakacaka vakavunau.—Josua 1:8.