Ena ika10 ni Noveba 2023, e vakayacori na Soqo ni Veiwasewase e kena ulutaga ‘Vakaraitaka na Vosota’! ena siti o Port Blair, Andaman, kei Nicobar Islands, e Idia. E qai sevutaki kina vei ira na le 180 na ivola The Bible—The Good News According to Matthew ena vosa vakaNicobar. Sa rawa ni download ena iyaya vakalivaliva, ena qai vakarautaki malua na kena ilavelave tabaki.

E tiko e Andaman kei Nicobar Islands e sivia ni 800 na yanuyanu, veiyanuyanu lalai kei na veivatu qai toka ena Wasawasa vakaIdia. E 31 na yanuyanu e sega ni tawani tu. E rauta ni 30,000 na yanuyanu e tukuni nira tiko kina e le 430,000 era vosataka na vosa qori. Ena 2001, e tauyavu na imatai ni ivavakoso vosa vakaNicobar. Nikua, sa tolu na kena ivavakoso ra qai lewena e 129 na dautukutuku.

Na iVolatabu e vakadewataki taucoko ena vosa vakaNicobar e vakayagataka na yaca i Jiova ena Same 83:18, kei na vica ga na tikinivolatabu. Ia e sega ni tiko ena ivola i Maciu, e vakayagataka tale ga na vosa makawa qai dredre me kilai. Ia na ivola e sevutaki qo e matata, kilai rawarawa, qai vakalesuya na yaca ni Kalou o Jiova ena 18 na vanua e dodonu me biu kina.

Eda nuidei ni na yaga na vakadewa qori vei ira na yalomalumalumu era vosa vakaNicobar mera volekati Jiova o koya e bulia na ka kece.—Same 36:9.