28 NOVEBA, 2018
IDIA
Vakacaca e Idia na Cagilaba o Gaja
Ena ika16 ni Noveba, 2018, e ravuravu na cagilaba o Gaja ena ceva kei Idia e Tamil Nadu. E rauta ni le 46 era mate, ra tokitaki e le 250,000, qai vakacacani se vaqeavutaki e sivia e 85,000 na vale.
Lutu na vunikau e nona vale e dua na tacida tagane e Mannargudi, mai Tamil Nadu.
E ripotetaka na valenivolavola ni tabana e Idia, ni sega ni dua na tacida e mate se mavoa. Ia e vakacacani e 38 nodra vale na tacida, kei na 2 na Vale ni Soqoni. E tauyavutaka na valenivolavola ni tabana, e dua na Komiti ni Vakacoko me veivuke ena vakacoko. E okati kina na wasei ni kakana kei na wai vei ira na tacida era vakaleqai.
Meda nanumi ira mada ga ena masu na tacida era vakaleqai ena cagilaba qori. Ena vakacegui ira o Jiova ni vakayagataki ira na qase ni vavakoso mera veivuke.—1 Pita 5:2.