Ena ika21 ni Noveba 2022, e yavalata na lomanivanua volekata na siti o Cianjur e West Java, e dua na uneune e 5.6 na kena kaukaua. Era mate e sivia na le 260, ra qai mavoa e drau vakacaca. E levu era yali, ra tokitaki tale ga e vica vata tale na udolu. E boko tale ga na livaliva vakavuna me dredre na veitaratara.

• Sega ni dua e mate, era tiko kece na le 132 na dautukutuku

• Vakacacani vakalailai e 5 na vale

• Sega ni vakacacani na Vale ni Soqoni kei na Vale ni Soqo Lelevu

• Lesi e dua na tacida me vukei ira na tacida itabaqase ke mani yaco tale na uneune

• Sa tuvanaki na Komiti ni Vakacoko (DRC) me veivuke ena ivavakoso

• Era veivakacegui ra qai veivakayaloqaqataki mai na iVolatabu na ivakatawa ni tabacakacaka vei ira na tacida era vakaleqai

• O ira kece na vakaitavi ena vakacoko era muria tiko na vakatatabu ni COVID-19

Eda nuidei ni o Jiova ena vakacegui ira na tacida ena gauna rarawataki qori.—Same 50:15.