Isireli kei na Yasayasa vakaPalesitaina

• E yaco na veiraravui ena ika10 ni Me 2021 mai Isireli, kei na yasayasa vakaPalesitaina. Ra qai mate kina e levu

• E vakacacani e levu na vale kei na bisinisi ena tauni e Isireli, era tiko kina na Jiu kei na kai Arapea

• Era tiko ena vanua qo e sivia na 2,000 na dautukutuku. Ia e sega ni dua e mavoa

• Era tokitaki e 73 na dautukutuku, wili kina e 15 na dauveiqaravi vakatabakidua era sega ni tiko e Peceli. Qai vinakati mera tokitaki e 13 na lewe i Peceli ina vanua mera taqomaki kina mai na gasaukuro

• E 6 na vale e vakacacani vakalailai

• E tuvanaka na Komiti ni Vakacoko na nodra vukei na tacida. Era cakacaka vata tale ga kei ira na ivakatawa ni tabacakacaka, kei ira na qase ni ivavakoso ena kena vakarautaki na ka era gadreva na tacida

• Era cakacaka vata na ivakatawa ni tabacakacaka kei ira na qase ni ivavakoso ena nodra vakayaloqaqataki mai na iVolatabu na tacida

• O ira kece na vakaitavi ena veivuke era muria tiko na vakatatabu ni COVID-19

E sega ni vakaleqai nodra soqoni na tacida nira sa sema ga ena internet. Ena ika15 ni Me, era sarava rawa kina na tacida na nodra soqo ni tabacakacaka ena JW Stream–Studio. Ia e tarovi vakatolu na porokaramu ena yakavi, nira vakarogoya na vakailesilesi ni sa vakarau lutu na gasaukuro. Era dro rawa na tacida ena vanua mera lai taqomaki kina, me vaka ena ruku ni kabakaba kei na ivakaruru ni gasaukuro. Dina ni yaco tu na veiraravui, era tiko rawa ena soqo ni tabacakacaka ena vosa vakaIperiu e 804 na dautukutuku, ra qai tiko ena vosa vakaTagalog, e 297 na dautukutuku. E tuvanaki tale ga ena ika22 ni Me, mera tiko ena nodra soqo ni tabacakacaka e lima na ivavakoso vosa vaka-Arapea.

Ena gauna dredre qori, era nuitaki Jiova tu ga na tacida ra qai okati koya me nodra ivakaruru.—Same 91:1, 2, 5.