E yaco e Itali e rua na leqa tubukoso ena ika22 me yacova na ika26 ni Julai 2023. E tara na vualiku kei Itali na draki ca levu, e vakavuna me kaukaua na cagi qai tau tale ga eso na ucaqereqere lelevu, eso e 19 na senitimita na kena raba. Ena gauna vata qori, e tete ena yanuyanu o Sicily e sivia ni 330 na kama. E katakata sivia na draki qai vakarawarawataka na tete ni kama. E vakarusai e levu na vale qai boko na nodra livaliva e vica vata na drau na lewenivanua. Era tokitaki tale ga e vicavata na udolu. E ratou sa takali e le lima.

Ucaqereqere kei na Cagi Kaukaua ena Vualiku kei Itali

• E sega ni takali e dua na tacida

• Rau mavoa e rua na tacida tagane

• E vakacacani vakalevu e 36 na vale

• E vakacacani vakalailai e 242 na vale

• E vakacacani vakalevu e 1 na Vale ni Soqoni

• E vakacacani vakalailai e 12 na Vale ni Soqoni

Kama ena Yanuyanu o Sicily

• Ka ni rarawa ni rau takali e dua na veiwatini, ena gauna e kama yavu kina na nodrau vale

• Era tokitaki mai nodra vale e 48 na mataveitacini

• E sega ni vakacacani e dua na Vale ni Soqoni se vale ni isoqosoqo

• Era veivuke qai veivakayaloqaqataki mai na iVolatabu na ivakatawa ni tabacakacaka kei na qase ni ivavakoso vei ira na tacida era vakaleqai ena kama e Sicily kei na ucaqereqere ena vualiku kei Itali

• E tuvanaki e dua na Komiti ni Vakacoko me qarava na nodra vukei na tacida e Sicily

Eda rarawataka na nodrau takali na tacida e Sicily qai masulaki ira na vakaleqai ena leqa tubukoso. Eda rai vakanamata ena siga ena vakaotia kina o Jiova na rarawa kece.—Vakatakila 21:4.