Sa tokitaki na valenivolavola ni tabana e Itali mai Roma, ina siti o Bologna kei Imola. E tiko o Bologna ena rauta na 370 na kilomita ena vualiku kei Roma, o Imola e rauta ni 48 na kilomita mai Bologna. Sa tekivu vakavinakataki tiko na vale taba ciwa e Bologna me valenivolavola. Me tekivu ena 2018, sa vakayagataki na tabavale vakavoutaki e Imola vei ira na 60 na lewenivuvale e Peceli ena tabana ni vakadewa, kei na so tale na tabana era veivuke kina.

E tara tiko ena gauna qo e dua na vale taba vitu e Bologna, mera tawana na lewenivuvale era toki yani, e tara tale tiko ga na ikelekele ni motoka taba tolu. E rauta ni dua veimama na kilomita na kena yawa mai na valenivolavola. Ena tara tale ga eso na vale ena vanua vata ga qori.

A dau tu mai Milan na valenivolavola ni tabana ni iVakadinadina i Jiova, ia ena 1948 sa qai voli e dua na vale e Roma e tokitaki kina na cakacaka. Tekivu mai na gauna qori e laurai na tubu vakasakiti e Itali. Ena veiyabaki ni 1940, e se bera ni sivia na 200 na dautukutuku. Nikua, sa sivia ni 250,000 na dautukutuku, na iwiliwili levu duadua ni dautukutuku me bau vakarurugi ena valenivolavola ni tabana e Urope. Ni tubu na kedra iwiliwili na dautukutuku ena yalava e qarava na valenivolavola ni tabana, e tubu tale ga na kedra iwiliwili na veiqaravi e Peceli, kei na kena tara eso tale na vale. Ni laurai na tubu ena 2006, e 99 taucoko na levu ni vale e taukena na valenivolavola ni tabana e Itali. Ni sa na caka na toki e Bologna, sa na vakalailaitaki na lewenivuvale e Peceli, sa na lima ga na vale e taukena na valenivolavola ni tabana.

Meda kerea mada ga vei Jiova ena masu me vakalougatataka tiko mada ga na tarataravaki qo, me tokoni kina na cakacaka e caka tiko e Itali, na were “sa matua vinaka tu me tamusuki.”—Joni 4:35.