ME 24, 2023
ITALI
Waluvu ena Noca kei Itali
E yaco e dua na waluvu levu ena yasayasa o Emilia-Romagna ena noca kei Itali. Me tekivu na ika15 ni Me 2023, e tau bi tiko ga na uca me voleka ni rua na siga. E tarai ira na waluvu e sivia ni 40 na tauni qai ratou takali na le 14. Era tokitaki tale ga mai nodra vale e vicavata na udolu.
Kedra iTuvaki na Tacida
E sega ni dua na tacida e mavoa se takali
Era tokitaki e 342 na dautukutuku kei ira nodra vuvale
E luvu e 167 na vale. E vakacacani vakalevu e 72 na vale
E vakacacani vakalevu e 1 na Vale ni Soqoni
E vakacacani vakalailai e 3 na Vale ni Soqoni
Cakacaka ni Vakacoko
Era veivuke qai veivakayaloqaqataki mai na iVolatabu na ivakatawa ni tabacakacaka kei na qase ni ivavakoso vei ira na tacida era vakaleqai
E tuvanaki e dua na Komiti ni Vakacoko me qarava nodra vukei na tacida
Eda vakanamata ina gauna e sa na oti kina vakadua na leqa tubukoso ni na “tiko vei ira na tamata na vale ni Kalou.”—Vakatakila 21:3, 4.