Dua na ka vakaloloma e baci yaco ena yasayasa o Abruzzo e Itali. A se qai kurea mada ga na yasayasa qori e dua na uneune vakaitamera ena yabaki sa oti. Ia ena Vukelulu, na ika18 ni Janueri, 2017, e tabulu ena ucacevata e dua na otela era toka e loma e le 30. E vakavuna na sisi ni ucacevata na kena yaco veitaravi ena dua ga na siga e va na uneune lelevu, e 5.0 na kaukaua ni uneune yadua. Na levu ni ucacevata e lutu ena vica na siga sa oti e vakadredretaka na cakacaka ni veivueti, levu na tauni era sega tu ni vakalivaliva se yaco rawa yani vei ira na veivuke.

E tukuna na valenivolavola ni iVakadinadina i Jiova e Itali ni sega ni mate se mavoa levu e dua na iVakadinadina. Ia e saga na valenivolavola me veitaratara kei ira na iVakadinadina i Jiova ena yasayasa e vakaleqai ena uneune kei na lutu ni ucacevata. Era veivuke tiko na ivakatawa vakayalo ni iVakadinadina i Jiova ena votai ni kakana, wai, buka, kei na so tale na ka era vinakata na nodra lewenilotu. E se veitaratara wasoma tiko ga na valenivolavola ni iVakadinadina i Jiova ina yasayasa o Abruzzo, qai veivuke ena gauna e gadrevi kina.

Gusunivosa:

Veiyasa i vuravura: David A. Semonian, Valenivolavola ni iTukutuku, +1-845-524-3000

Itali: Christian Di Blasio, +39-06-872941