Ena ika25 ina ika26 ni Okotova 2019, e ravuravu na cagilaba o Bualoi ena ceva kei Japani. Tekivu mai na Seviteba, e vakacaca na cagilaba o Faxai kei Hagibis ena vanua qori. Ia na cagilaba o Bualoi e ikatolu ni cagilaba me vakacaca ena vanua qori. Na kena kaukaua e luvu kina na veiuciwai vakavuna sara na waluvu levu. E vakacacani e rauta ni 81 nodra vale na tacida. E sega ni dua e mate, e mavoa ga e dua na tacida yalewa. Era vakacacani tale ga na tacida e Chiba ena tolu na cagilaba qori.

Oti na vakacaca ni cagilaba o Faxai kei Hagibis, e tuvanaki sara me veivuke e tolu na Komiti ni Vakacoko. Sa veivuke tale ga na Komiti qori ena nodra vukei o ira na vakaleqai ena cagilaba qori. E veitokoni na valenivolavola ni tabana e Japani vei ratou na Komiti ni Vakacoko ena kena vakarautaki na ka era gadreva na tacida, me vaka na samaki ni vale, kena vakawainimatetaki kei na ripea. Era veitokoni tale ga na ivakatawa ni tabacakacaka ena nodra vakayaloqaqataki.

Meda nanumi ira mada ga na tacida e Japani ena masu ena gauna dredre qori. Eda nuitaka ni na tokoni ira nona dauveiqaravi e “ramusu na lomadra” o Jiova, ena vakacaca ni cagilaba qo.—Same 34:18.