Ena ika12 kei na ika13 ni Okotova 2019, e ravuti Japani na cagilaba o Hagibis, era mate kina e rauta ni 77 na lewenivanua, e yaco tale ga e dua na waluvu levu. E levu sara na vale e boko na kena livaliva, e maca tale ga na wai. Era se vaqarai tiko ena gauna qo eso na lewenivanua era yali. Me tekivu mai na 1958, e laurai ni qo e dua na cagilaba kaukaua duadua me ravuti Japani, ena levu ni bi ni uca ena so na vanua.

Era sa qiriti kece na tacida, e sega ni dua vei ira e mate. Ia eratou le tini ga eratou mavoa. E vakacacani tale ga e 1,200 na nodra vale na tacida. E 23 taucoko na Vale ni Soqoni e vakacacani, e sega ni vakayagataki ena vuku ni waluvu kei na boko ni livaliva. E vakacacani tale ga na Vale ni Soqoni Lelevu e Tochigi.

Ratou sa tiko tale ga na Timi ni Vakacoko (DRCs) ena yasayasa o Fukushima kei na Nagano. De dua ena qai so tale na timi ni vakacoko me laurai vata kei na levu ni vanua e vakacacani. Sa vakarautaki na medra wai kei na kedra kakana na mataveitacini era vakaleqai. Era sa lesi na ivakatawa ni tabacakacaka ena vanua era vakaleqai mera veivakayaloqaqataki, mera veivakacegui tale ga vei ira na mataveitacini.

Eda nuidei ni o Jiova e nodra ivakaruru tiko ga na mataveitacini era vakaleqai qori.—Same 142:5.