10 OKOTOVA, 2019
JAPANI
Ravuti Japani na Cagilaba o Tapah
Ena ika21 ina ika23 ni Seviteba, 2019 e ravuta na muaira kei Japani na cagilaba o Tapah, salavata na cagi kaukaua kei na bisa ni uca. Qori e vakavuna me daro na veitosoyaki ni waqavuka, sogo na salanisitima, e boko tale ga nodra livaliva e sivia e 30,000 na vale. Era mavoa tale ga e sivia e 50 na lewenivanua e Okinawa kei Kyushu.
E ripotetaka na valenivolavola ni tabana e Japani, ni le lima na dautukutuku ratou mavoa, wili kina e dua na tacida yalewa sa curu tiko e valenibula. E vakacacani tale ga e sivia e 50 nodra vale na mataveitacini. Sa veivuke tiko na Komiti ni Vakacoko kei ira na tacida, ena nodra vukei vakayago, vakayalo tale ga na tacida era vakaleqai. E se vakaraica tale tiko na valenivolavola ni tabana o Japani na vakacaca ni cagilaba qori, kei na veika me vakarautaki vei ira na vakaleqai kina.
Meda nanumi ira mada ga na tacida qori ena masu, nira na nuitaki Jiova tiko ga me vakacegui ira ena gauna dredre qo.—Same 94:19.