Ena imatai ni Janueri 2024, e yaco e dua na uneune e rauta ni 7.6 na kena kaukaua e Noto Peninsula ena yasayasa o Ishikawa, ena loma kei Japani. Dua na ka na vakacaca e cakava na uneune qori ena veivale kei na gaunisala ena yasayasa qori. Era tokitaki e sivia ni le 33,000, e rauta ni le 400 era mavoa, era mate tale ga e le 78.

• Sega ni dua e mate

• Mavoa vakalailai e dua na tacida tagane

• Tokitaki e sivia ni le 150 na tacida

• Vakarusai e 2 na vale

• Vakacacani vakalevu e 7 na vale

• Vakacacani vakalailai e sivia ni 100 na vale

• Vakacacani vakalevu e 1 na Vale ni Soqoni

• Vakacacani vakalailai e 8 na Vale ni Soqoni

• Sa tuvanaki na Komiti ni Vakacoko me raica nodra vukei na tacida

• Era gole eso na tacida mai na valenivolavola ni tabana e Japani mera vakayaloqaqataki ira na mataveitacini. Era veivakayaloqaqataki tale ga na ivakatawa ni tabacakacaka kei ira na qase ni ivavakoso, ra qai vakarautaka na ka ni veivuke vei ira na tacida era vakaleqai

Eda nuidei ni o Jiova ena nodra “ivakaruru tudei” na tacida e Japani, ena vakacegui ira qai vakayaloqaqataki ira ena gauna dredre qo.—Same 18:2.