Ena ika28 ni Okosita, 2019 dua na ka na bisa ni uca ena yasayasa o Kyushu, e Japani. Qori e vakavuna me luvu na veiuciwai. E laurai ni rawa tale ga ni sisi na qele, ra mani tokitaki kina e sivia na le 800,000 na lewenivanua. E ripotetaka na valenivolavola ni tabana e Japani, nira sa tokitaki e le 82 na dautukutuku. Na itukutuku se qai tauri wale ga qo, e vakacacani e rauta ni 40 nodra vale na tacida, e vakacacani tale ga vakalailai e dua na Vale ni Soqoni.

E tauyavutaka na valenivolavola ni tabana, e dua na Komiti ni Vakacoko me vukei ira na tacida era vakaleqai. Era sa veivakayaloqaqataki tiko o ira na ivakatawa ni tabacakacaka, qase ni vavakoso kei ira na dautukutuku. Era vakarautaka tale ga na veika era gadreva na tacida, me vaka na kakana kei na isulu. Eda marau ni uqeti ira e levu na loloma mera vukei ira na tacida.—2 Korinica 8:4.