E duatani duadua na tau ni uca ena yanuyanu o Kyushu e Japani ena itekitekivu ni vula o Julai, 2020. E lai yaco kina na waluvu kei na sisi ni qele. Era vakaleqai kina na tacida ena siti o Minamata kei Hitoyoshi ena yasana o Kumamoto. Vaka tale ga kina o ira na tacida ena siti o Omuta ena yasana o Fukuoka. E sega ni dua vei ira e vakayalia na nona bula, ia e mavoa e dua na tacida tagane kei na dua na tacida yalewa. Kuria qori, e vakacacani e 48 na nodra vale na tacida ena vuku ni waluvu kei na rua na Vale ni Soqoni. E vakacacani tale ga e rua na Vale ni Soqoni ena vuku ni sisi ni qele.

Ni tete na matedewa na COVID-19, e tuvanaka na valenivolavola ni tabana e Japani na Komiti ni Vakacoko e Kyushu kei Okinawa. E mai veivuke tale ga na komiti qori ena kena tuvanaki na cakacaka ni vakacoko ena gauna ni waluvu qo. Era veivuke kina na timi ni tara Vale ni Soqoni kei na ivakatawa ni tabacakacaka.

Meda masuti Jiova, “na Kalou e vu ni vosota kei na vakacegu” me tokoni ira tiko ga na tacida era vakaleqai ena leqa tubukoso qo.—Roma 15:5.