Ena Tusiti na ika4 ni Seviteba 2018, e vakacaca ena ra kei Japani na cagilaba. E tukuni ni qo na cagilaba kaukaua duadua me tatara ena vanua qori ena sivi na 20 na yabaki. Era kaya na vakailesilesi ni vakacaca sara vakalevu na cagilaba qo era veivakasalataki gona mera toki na lewenivanua.

E vakadeitaka na valenivolavola ni tabana e Japani ni sega ni dua vei ira na iVakadinadina i Jiova e mate. Ia e rauta ni le 15 na tacida era mavoa, qai rauta ni 538 na vale e vakacacani. E vakacacani tale ga e 44 na Vale ni Soqoni.

Sa veivuke tiko na Komiti ni Vakacoko e Osaka kei Sakai ena vakacoko, e okati kina na vakavinakataki ni vale, kei na veivakatawani.

Eda vakavinavinakataki Jiova ni kila vinaka na ituvaki era sotava tu na tacida, qai tokoni ira ena nodra veivakacegui na tacida.—Same 34:19.