Ena ika6 ni Seviteba 2018, e yavalati Hokkaido na yanuyanu e tiko ena noca kei Japani e dua na uneune e 6.7 na kena kaukaua. Era mate kina e le 41, vakaleqai vakalevu na livaliva, sala ni veitosoyaki kei na veivosaki ena yanuyanu qori.

E kaya na valenivolavola ni tabana e Japani ni sega ni dua na tacida e vakaleqai nona bula, ia e le vitu ratou mavoa. E vakacacani e 100 na nodra vale na iVakadinadina i Jiova kei na 4 na Vale ni Soqoni.

Oti ga na uneune ena veidusimaki ni valenivolavola ni tabana, era vakarautaka na tacida na kakana, wai, kei na veika tale eso e vinakati me vakau ina yanuyanu qori. E tuvanaki sara e dua na Tabana ni Vakacoko me veivuke tiko ena nodra qaravi.

Keimami masulaka ni o Jiova ena vakaceguya nodra vakasama, kei na lomadra na vakacacani ena uneune qori.—Filipai 4:6, 7.