E rauta ni 169 era mate ena ra kei Japani, sivia tale ga na 255,000 na vuvale sa sega tu na medra wai ena vakacaca ni dua na uca bi kei na waluvu vaka kina na sisi ni qele.

E sega ni dua na iVakadinadina i Jiova e vakaleqai kina nona bula, ia era tokitaki e le 200, qai mavoa e dua na tacida yalewa. A qaravi vakavuniwai, sa bulabula vinaka tiko qo. Rauta ni 103 na nodra vale na tacida e vakacacani, dua e vakarusai sara ga vakadua. E vakacacana tale ga na waluvu qo e 11 na Vale ni Soqoni kei na dua na Vale ni Soqoni Lelevu.

E tuvanaki e va na Komiti ni Vakacoko (DRC) mera veivakacegui, veivakayaloqaqataki tale ga vakayalo, qai veivuke vakatotolo vei ira na tacida e vakacacani nodra itikotiko. E okati kina kena vakau vei ira na kakana, isulu, kei na wai savasava. Na tabana ni vakacoko qo ena tuvanaka tale ga eso na ka ni veivuke me qai vakayacori tiko ena veigauna se bera mai, me vaka na kena vakasavasavataki, vakawainimatetaki, ripeataki tale ga na nodra vale na tacida.

Meda masulaki ira mada ga na mataveitacini qo e Japani ena vuku ni leqa era donuya tiko, eda rai vakanamata tale ga ena gauna me vakaotia kina vakadua o Jisu na veika ca kece e yaco tiko e vuravura.—Maciu 8:26, 27.