Ena ika 30 ni Janueri, 2017 a sega ni vakadonuya na Mataveilewai ena korolevu e Astana na nodrau sereki o Teymur Akhmedov kei Asaf Guliyev ni rau vesu tu vakawawa ni bera nodrau veilewai. Erau a vesu ena ika18 ni Janueri ni rau veitalanoataka tiko kei na dua na ilawalawa tagane era lawakitaka nodra via kila nodra vakabauta na iVakadinadina i Jiova. Erau beitaki na iVakadinadina ni rau “vakavuna na veileti vakalotu” kei na kena “tokoni na vakacerecerei ni lotu.” E sega ni raica rawa na mataveilewai e dua na ivakadinadina me tokona na nodrau vesu na rua na iVakadinadina qori.

E kaukaua sara tiko ena gauna qo na lewa e tau qori qai sega ni vakatarai e dua tale na kerekere ni nodrau sereki. E vinakati me rau vesu toka mada vakawawa o Teymur kei Asaf me yacova ni sa oti sara na kena vaqaqai na nodrau kisi. Ke tiko na ivakadinadina ni rau cala, ena rawa sara ga ni rau bala i valeniveivesu me lima ina tini na yabaki.