Era vesuki Teymur Akhmedov kei Asaf Guliyev na komiti ni sikiuriti e Kazakhstan ena ika18 ni Janueri 2017, ni rau vunautaka tiko nodrau vakabauta vei ira eso tale. Ena Me kei na June ni 2016, ratou sureti rau o Teymur kei Asaf e le vitu na tagane ena nodratou icili, ratou lasutaka ni ratou taleitaka na veika era vakabauta na iVakadinadina i Jiova. Ena dua tale na gauna ratou sa dau lai sota tiko ena nodrau vale o Teymur kei Asaf. Ia rau sega tiko ni kila na iVakadinadina, ni ratou katokatoni voli na vitu na “gonevuli ni iVolatabu” qori ena ka kece e veivosakitaki.

Erau mani beitaki o Teymur kei Asaf ni rau “vakavuna na veileti vakalotu” kei na kena “tokoni na vakacerecerei ni lotu.” Rau se vesu tu vakawawa me 60 na siga, ke dina na ka rau beitaki kina erau na bala i valeniveivesu me 5 ina 10 na yabaki.

E yabaki 61 o Teymur, e tauvimate bibi tale ga. O Asaf e yabaki 43. Erau tagane vakawati ruarua. Ena rogoca tale na turaganilewa na nodrau kisi ena macawa na ika23 ni Janueri, 2017.