26 JULAI, 2019
KENADA

Toronto, e Kenada—2019 “E Sega Vakadua ni Seavu na Loloma”! Soqo ni Veimatanitu

SARAVA/ROGOCA

Tikinisiga: Julai 19-21, 2019
Vanua: Exhibition Place, e Toronto, e Ontario, mai Kenada
Vosa e Vakayagataki: Vosa vakaValagi, vakaPotukali kei na vakaSipeni
iWiliwili: 46,183
Papitaiso: 317
Vulagi: 5,000
Valenivolavola ni Tabana e Sureti: Brazil, Peritania, Merika e Loma, Finiladi, Idia, Japani, Korea, Yatu Filipaini, Ukraine kei Merika
iVakaraitaki e Yaco Dina: E kaya o Laura Purdy, na manidia levu ni Exhibition Place: “E vakayacori kece ena gauna ni soqo na ka era kaya na komiti ni soqo ni [iVakadinadina i Jiova]. Keimami taro tale ga ena so tale na vanua a vakayacori kina nodra soqo, e tautauvata vinaka na ka era tukuna me vaka keimami sa vakadinadinataka tu qo.” E tomana: “Era veilomani dina, ra veikauaitaki tale ga. Au uqeti ira na vakailesilesi ena so tale na vanua ni soqo mera sureti ira na iVakadinadina i Jiova ena nodra siti.”

Era veikidavaki e raraniwaqavuka na tacida e Toronto vei ira na vulagi era sureti ena soqo

Marautaka na tacida e Kenada nodra cakacaka vakavunau kei ira na vulagi

Qiri ivakatagi tiko na lewe ni vuvale e Peceli ena valenivolavola ni tabana e Kenada, donuya nodra sarasara na vulagi era sureti e veiyasa i vuravura

Solia tiko o Brother Geoffrey Jackson, e lewe ni iLawalawa Dauvakatulewa, na iotioti ni vunau ena Vakaraubuka

Papitaiso tiko ena Vakarauwai e dua vei ira na le 317 na tacida vou

Volavola na tacida ni vakacagau tiko na porokaramu

Era vakasausau na tiko ena soqo vei ira na daukaulotu kei ira na veiqaravi lavotaki vakatabakidua

Vakatasuasuataka tiko e lima na tacida yalewa na siteseni ni retio e vakatokai na CKCX. Era dau vakayagataka qori na Gonevuli ni iVolatabu (sa kilai tiko nikua mera iVakadinadina i Jiova), ena veiyabaki ni 1920 e Toronto, e Kenada. Me yacova na 1926, sa tiko ga na nodra siteseni ni retio na Gonevuli ni iVolatabu ena va na siti e Kenada: itukutuku makawa vakasakiti ni cakacaka vakalou e Kenada