Erau raica sara tu ga e veisiga o Brother Jean-Yves kei watina o Vasthie Mudaheranwa, na revurevu ni matedewa na coronavirus e Montreal, Kenada. E vuniwai o Brother Mudaheranwa ena valenibula era qaravi tiko kina na tauvi ira na mate qori, e dua vei ira na nasi o watina. Dua na ka nodrau nuitaki Jiova na veiwatini ena gauna dredre qo, e ‘vinaka tale ga na lomadrau’ me vaka e yalataka o Jiova.—Aisea 65:14.

E kaya o Brother Mudaheranwa: “Au se bera vakadua ni raica mera taqaya va qo e levu keimami cakacaka vata.” E kaya o Sister Mudaheranwa: “E veivuke vakalevu na noqu dau vuli vakataki au. E yaga vakalevu ni keirau vakasamataka na ivakatakilakila ni otioti ni veisiga, qai vakadeitaka ni na sega vakadua ni biuti keirau o Jiova. E yaga tale ga vakalevu na masu. Au dau masu ni bera niu lai cakacaka, au vakila kina na vakacegu.”

E kaya o Brother Mudaheranwa: “Au susu mai Rwanda, au sa raica mai na labakawa. Ia qo se qai matai ni gauna me yaco kina e Kenada nodra mate e levu, so na gauna eda rawa ni guilecava nida sa bula tu qo ena iotioti ni veisiga. Meu kaya vakadodonu ni so na gauna au nanuma ni se yawa na siga i Jiova. Ia na matedewa qo e vaqaqacotaka noqu vakabauta nida sa bula dina tu ena iotioti ni veisiga. Au nuitaka kina na ka e tukuna na iVolatabu kei na ka e parofisaitaka.”

Ena gauna dredre qo, e dei tiko ga na nodrau vakabauta o Brother kei Sister Mudaheranwa, me vakataki ira ga na tacida e veiyasa i vuravura, ra qai vakila tiko ga na vakacegu.—Aisea 48:18.