Ena ika13 ina ika15 ni Noveba 2021, dua na ka na bi ni uca ena so na vanua e British Columbia ena ra kei Kenada. Na tolu na siga qori se qai vakadua me tau bi na uca ena 20 na vanua. E vakavuna na waluvu, sisi na qele, sogo na gaunisala, tokitaki eso na lewenivanua, e tarovi tale ga na veitosoyaki.

• Sega ni mavoa e dua na tacida

• Tokitaki e 144 na dautukutuku

• Vakacacani e 35 na vale

• Tuvanaka na valenivolavola ni tabana e Kenada e dua na Komiti ni Vakacoko

• Eso na tacida era vakaicili vei ira na wekadra, eso tale era vakaicili vei ira na mataveitacini era tiko ena siti e sega ni vakaleqai

• Era veivakayaloqaqataki na ivakatawa ni tabacakacaka, kei na qase ni ivavakoso vei ira na vuvale era vakaleqai

• Ena nodra veivakadonui na vakailesilesi ni matanitu, e cakacaka vata kina na Komiti ni Vakacoko kei na tabana ni tarataravaki (LDC), me laurai na vale kece era vakacacani, kei na sala me vakavinakataki kina

• E muri tiko ga na vakatatabu ni COVID-19 ena vakacoko

Levu na tacida era vakaleqai ena leqa tubukoso qo, era tokitaki tale ga ena kama a yaco ena Okosita 2021. Sa qai levu tiko ga na leqa tubukoso, ia era taqomaki na tacida nira muria na veidusimaki mera vakarautaka rawa tu na iyaya me baleta na leqa tubukoso kei na kakana.

Eda na sotava e levu na ituvaki dredre ena vuku ni leqa tubukoso, ia ena dei tiko ga na noda vakabauta nida nuitaka na nona dau veivakabulai o Jiova.—Apakuki 3:17, 18.