Ena ika30 ni Okosita, 2019 e sevutaki na New World Translation of the Holy Scriptures ena vosa vakaLuo, ena soqo ni veiwasewase e Kisumu, mai Kenya. E sevutaka na iVolatabu qori ena imatai ni siga ni soqo o Brother Remy Pringle, e lewe ni Komiti ni Tabana e Kenya. Era tiko kina e le 2,481, wili kina o ira na sema ena soqo qori.

E rauta na tolu na yabaki na kena vakadewataki tiko na iVolatabu qori. E kaya e dua na lewe ni timi ni vakadewa: “Ena uqeti ira dina na tacida era vosa vakaLuo na New World Translation qo. Levu na vuvale ena neitou vavakoso era sega ni volia rawa na iVolatabu taucoko mera yadua, ia dua na ka ni veivakalougatataki qo mera yadua sara ga na lewenivuvale na iVolatabu. Na vosa tale ga e vakayagataki kina ena vakaukauataka nodra vakabauta nira vuli vakataki ira, se sokalou vakavuvale.”

Sa vakadewataki taucoko se vakatikina na New World Translation ena 184 na vosa, wili kina e 25 na ilavelave e vakavoutaki ena itabataba ni 2013. Keimami nuidei na iVolatabu qori ena vukei ira na le 1,800 na dautukutuku era vosa vakaLuo ena yalava e qarava na valenivolavola ni tabana e Kenya, mera volekati Jiova tiko ga. Ena vukei ira tale ga nira vunau vei ira e sivia na le 5 milioni era vosa vakaLuo.—Maciu 24:14.