Ena ika9 ni Noveba 2019 e vakatabui e dua na vale me caka kina na vuli vakalou e Eldoret, Kenya. E vunau o Brother Bengt Olsson, e lewe ni Komiti ni Tabana e Kenya. Era tiko kina e le 1,199, wili kina e rauta nira le 500 na veiqaravi lavotaki vakatabakidua era gole mai ena duidui vanua. Ena vakayacori ena vale qori na Koronivuli ni iTalatala ni Matanitu (SKE) kei na nodra Vuli na iVakatawa ni Tabacakacaka kei na Watidra. E namaki me vakayacori vakava e veiyabaki na SKE ena vale qori.

E nona tu na valenivolavola ni tabana eso na vale qori ni bera ni vakavinakataki me vanua ni vuli. E vakavinakataki na vale ni daukaulotu me sa vanua ni savasava, valenikuro, kei na valenikana. Sa vanua ni vuli na Vale ni Soqoni. E tekivu na cakacaka ena imatai ni Epereli 2019, e vakacavari kece na cakacaka ena ika9 ni Seviteba.

Qo na ka e tukuna o Brother Olsson me baleta na bibi ni vuli: “Era sa tu vakarau e levu ena Tokalou kei Aferika mera kila na veika me baleta na Kalou o Jiova. Eda nuidei ni na yaga vakalevu na vuli vei ira na gonevuli mera vakavulici ira na lewenivanua era drodro tiko ena ulunivanua i Jiova.”—Maika 4:1.