ACENI, Kirisi—E caka na nodra Soqo ni Veimatanitu na iVakadinadina i Jiova mai Kirisi ena 27-29 ni June 2014, na kena usutu “Vakaliuca Tiko ga na Matanitu ni Kalou!” E caka na soqo ena Olympic Athletic Center mai Aceni na vanua e caka kina na Olympic ena 2004. Era soqo vata yani e le 35,863 na gonevuli ni iVolatabu. Era le 38,956 taucoko era tiko ena soqo. E le 3,093 mai Belgium kei Saipurusi era sema mai ena vidio ena so na porokaramu.

O ira na tiko ena soqo era cavutu mai Croatia, Hungary, Korea, Romania, Sauca Aferika, Taki, kei Merika. O Christina Michail, na manidia ni valenisarasara ni Olympic e kaya: “Ka ni marau dina nida raica nodra veiyaloni na veimatatamata era tiko ena soqo, era dabe vata, ra veitaba, au qai taleitaka vakalevu na nodra veilomani . . . Dua dina na ivakaraitaki vinaka. Sega ni dau vakilai na mataqali yalo va qori eke. E duidui sara nira dau lako mai ke na taleitaka na qito kei ira na dau tovaka nodra timi; ya na vuna e talei kina na raici kemuni.”

E tomana o Robert Kern, na mata mai na valenivolavola ni tabana ni iVakadinadina i Jiova e Kirisi: “Dua na ka na ivola ni vakavinavinaka keitou ciqoma me baleta na porokaramu, kei na nodra rawa ni veimaliwai na mataveitacini mai na veiyasa i vuravura. Totoka dina nodra gole mai vakalewelevu na mataveitacini mai na veiyasa i vuravura ena soqo guiguilecavi dredre qo.”

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000

Kirisi: Babis Andreopoulos, talv. +30 210 617 8606